1 Petelu 4:14 - Tokelauan New Testament

¹⁴ Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.

1 Petelu 4:14 ပူးပေါင်းရင်းမြစ်များ

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Ioane 15:21

Kae ko nā mea uma iēnei ka ki lātou faia ki a te koutou ona ko koutou e āku; auā e hē ki lātou iloa tē na ia uga maia au.

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Ioane 9:28

Kua fakatauemu ki lātou ki te tamāloa ma lea vē ki ei, “Ko koe tēnā te hoko o ia; kae ko ki mātou ko nā hoko o Mohe.

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 4:10

I taimi uma, nae taukave pea lava i loto o nā tino o ki mātou e fano e pala, te mate o Iehu, kae ke kitea ai foki te ōlaga o ia i loto o nā tino o ki mātou.

2 Kolinito 4:16

Ko ki mātou la e hē fakavāivai lele. E ui lava ko o mātou tino fakatetagata e fano lava e pala, kae ko o mātou tino fakateagaga, e fakafougia pea lava i aho takitahi.

Kalatia 1:24

Oi na viviki ake ai ki lātou ki te Atua ona ko au.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Iakopo 5:11

Ko nā tino e onohai e lea ki tātou e fiafia. Kua fakalogo koutou ki te onohai o Iopu, ma e koutou iloa nā mea na fai e te Aliki mo ia i te fakaikuga. Ko te Aliki e tīgā alofa ma alofa fakamāgalo.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.

1 Petelu 4:16

Kae kāfai koutou e puapuagā ona ko koutou ni Kelihiano, nahe kavea te mea tēnā ma mea ke māhiahi ai koutou, kae fakafetai ki te Atua ko koutou e taukave e koutou te igoa o Keliho.

2 Petelu 2:2

E ui i tēia, e tokalahi nā tino Kelihiano ka mulimuli ki o lātou lava tuinanauga mātagā; ma e ona ko nā mea e fai e ki lātou, ka fāifāi ai iētahi tino ki te Auala o te meamoni.