1 Petelu 4:10 - Tokelauan New Testament

¹⁰ Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.

1 Petelu 4:10 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Mataio 24:21

Auā ko nā puapuagā ka pa ki ei i te taimi tēnā, ka hili lele atu te kino i lo ni iētahi puapuagā na kua pa ki ei ia tagata, mai te kāmataga o te lalolagi, ke pa mai lava ki te taimi nei. Ka hē toe mafai lele foki ke toe tupu he mea vēnei.

Mataio 24:45

“Ko ai la te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.

Mataio 25:44

“Oi ka tali mai ki lātou ki a te ia, ‘Te Aliki, ko anafea nei te na ki mātou kitea ai koe e fia kaia pe fia inu, pe he tagata kehe, pe hē lavalavā, pe tauale pe i te fale puipui, kae hēki fehoahoani atu ki mātou ki a te koe?’

Maleko 10:45

Auā e pa foki lava ki te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Luka 19:13

Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Luka 8:3

ko Ioana te āvaga a Kouha, te kaukauna pule i te fale o te tupu ko Helota; ko Huihana, ma iētahi fafine e tokalahi nae fakaaogā a lātou tupe ma iētahi a lātou meatōtino, ke fehoahoani ki te tauhiga o Iehu ma ona hoko.

Loma 15:25

Kae i te taimi nei, ko au ka fano ki Ieluhalema ke fehoahoani ki tagata o te Atua e nonofo i kinā.

Loma 15:27

Ko te tonu tēnā e a ki lātou lava; kae ko he mea tatau auā he tiute e o ki lātou ke fehoahoani ki ei. E vē ona manuia ia tagata nukukehe i nā fakamanuiaga fakateagaga na maua e tagata Iutaia, e tatau ai foki ke fakaaogā nā fakamanuiaga i nā mea tau te ōlaga e maua e tagata nukukehe, ke fehoahoani ai ki tagata Iutaia.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 3:10

Ona ko te meaalofa na fōki mai e te Atua ki a te au, na fai ai e au te gāluega a he tino poto fau fale ma fakatū te fakavae, ma fau fakaopoopo ai e hētahi tino ki luga. Kae ko nā tino tau tokatahi e tatau ke fakaeteete i tana fau fakaopoopo e fai ki ei.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

2 Kolinito 9:1

E hē tatau au ke tuhi atu e uiga ki te koutou fōaki kua kave mo tagata o te Atua i Iutea.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

2 Timoteo 1:18

Ke ia te ia te alofa fakahao o te Aliki kāfai e pa ki te Aho Fakamahino! Ma e iloa lelei lava e koe te lahi o nā mea na fehoahoani mai ai ia ki a te au i Efeho.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.