1 Petelu 3:7 - Tokelauan New Testament

⁷ E vēnā foki koutou tāne; e tatau ke fai fakalelei e koutou autou āvaga i te koutou māfutaga, auā e hē tutuha to lātou mālolohi ma koutou. Fakaaloalo ki ei, auā ka maua foki e ki lātou fakatahi ma koutou te ola e ala i te alofa tūnoa o te Atua. Fai te mea tēnei kae ke nahe i ei ai he mea e fokotahi e fai ma fakalavelave i autou tatalo.

1 Petelu 3:7 ပူးပေါင်းရင်းမြစ်များ

Mataio 18:19

“Ko tētahi mea tēnei e lea atu ai au ki a te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava oi fai mo ki lāua e toku Tamana i te lagi.

1 Kolinito 7:3

E tatau te tamāloa ke fai tona tiute ko ia ko te tāne, ma tatau te fafine ke fai tona tiute ko ia ko te āvaga, ma e tatau ki lāua ke fakamalie e tētahi ia manakoga o tētahi.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Efeho 5:33

Kae e fakatatau foki ki a te koutou: ko tāne tau tokatahi uma e tatau ke alolofa ki a lātou āvaga, ma e vēnā foki ia fafine tau tokatahi uma, e tatau ke āva ki a lātou tāne.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Kolohe 3:19

Koutou tāne, alolofa ki autou āvaga ma nahe koutou fakahāuā ki ei.

1 Tehalonia 4:4

Koutou taulelea tau tokatahi uma, e tatau ke iloa oi ola fakatahi ma tana āvaga, i he auala e paia ma mamalu,

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

1 Petelu 3:1

E vēnā foki koutou fafine kua fai kāiga, e tatau koutou ke i lalo o te pule a autou tāne. E tuha lava la pe i ei ni tino o ki lātou e hē talitonu ki te kupu a te Atua, kae ka kavea te koutou uhitaki ma mea e liliu ai ki lātou ma talitonu. E hē tau faia e koutou he kupu ki ei,