1 Petelu 3:5 - Tokelauan New Testament

⁵ Auā ko nā fafine i nā aho anamua nae tautua ki te Atua ma tuku tahi ki ei to lātou fakamoemoe, nae teuteu o lātou tino ke aulelei e ala i te tuku e ki lātou o ki lātou ki lalo o te pule a o lātou tāne.

1 Petelu 3:5 ပူးပေါင်းရင်းမြစ်များ

Gāluega 1:14

Nae maopoopo ho ki lātou oi tatalo fakatahi, ma nae i ei ai ma nā fafine vēnā ma Malia te mātua o Iehu ma nā uho o Iehu.

Gāluega 9:36

I Iopa, nae i ei he fafine kua talitonu ki te Aliki e igoa ki a Tapita. (Ko Toka i te gagana Eleni, ma ko tona uiga “he aila”.) Nae fakafano tona taimi uma i te faiga o nā gāluega lelei ma fehoahoani ki tagata mātitiva.

Efeho 5:33

Kae e fakatatau foki ki a te koutou: ko tāne tau tokatahi uma e tatau ke alolofa ki a lātou āvaga, ma e vēnā foki ia fafine tau tokatahi uma, e tatau ke āva ki a lātou tāne.

1 Timoteo 2:10

kae teteu ia lātou gāluega lelei e vē oi tatau ke fai e fafine, kua ia te ki lātou te fakatuatua faka-Kelihiano.

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

Epelu 11:11

Ko te fakatuatua te na kavea ai ia Apelaamo ma tamana e ui lava kua matua, ma ko Hala foki tana āvaga nae hē manava ola. Ko Apelaamo nae talitonu ko te Atua e tauhi ki tana folafolaga.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,