1 Petelu 3:21 - Tokelauan New Testament

²¹ Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

1 Petelu 3:21 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Ioane 13:9

Kua tali mai ia Himona Petelu, “Te Aliki, nahe fulufulua la nā ko oku vae. Fulufulu foki ma oku lima ma toku ulu!”

Gāluega 16:33

I te taimi lava tēnā i te pō, na kave ai te toka lua e te leoleo falepuipui ke fufulu o la manuka; ma na papatiho ai lava i te taimi tēnā te leoleo falepuipui ma tona kau kāiga uma.

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 22:16

He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’

Gāluega 8:36

Ka koi fakaauau te malaga i luga o te auala, oi tau atu ai ki he koga e i ei ni vai, oi lea vē atu ai te eunuka, “Kikila, iēnā nā vai! He ā te hē mafai ai au ke papatiho?”

Loma 5:14

Kae mai te vāitaimi o Atamu ke pa ki te vāitaimi o Mohe, ko te oti nae pule kātoa ki tagata uma, ke pa lava kinā tino e hēki agahala i te auala na agahala ai ia Atamu, ina kua hē uhitaki ki te fakatonuga a te Atua. I hētahi itū, ko Atamu e tāi vē oi tāi hē vē foki ko te tino na tuku e hau.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 4:6

Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 3:27

Kua uma te papatiho o koutou ma i ei koutou i te hokotaga ma Keliho. Kua kokofu koutou i te ola o Keliho, e vē i ni kofu fou.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Kolohe 2:12

Auā i te papatihoga o koutou, ko koutou na tanu fakatahi ma Keliho, ma e ala i te papatihoga na toe fakatutū mai ai foki koutou mai te oti fakatahi ma Keliho e ala i te koutou fakatuatua ki te mana galue o te Atua, tē na ia toe fakatūa ia Keliho mai te oti.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.