1 Petelu 3:17 - Tokelauan New Testament

¹⁷ Auā e hili atu te puapuagā o koutou ona e koutou faia nā mea lelei, pe kāfai ko te finagalo ia o te Atua, i lo te puapuagā ona ko nā mea kino e koutou faia.

1 Petelu 3:17 ပူးပေါင်းရင်းမြစ်များ

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 21:14

E hēki mafai e ki mātou oi hui te māfaufau o Paulo, oi e hēki toe taumafai ki mātou ma na vē atu ai ta mātou kupu, “Ke fai te finagalo o te Aliki.”

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 2:20

Auā he ā te aogā kāfai koutou e onohai i te kini e tatau mo koutou ona ko nā mea hehē a koutou nae fai? Kae kāfai koutou e onohai i nā puapuagā e tuha lava pe nae koutou faia nā mea e lelei, ka koutou mauagia te fakamanuiaga mai te Atua ona ko te mea tēnā.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 4:15

Kae nahe i ei lele he tino o koutou e puapuagā ona kua tāmate tino, pe kua kaihohoa, pe kua holi tūlāfono, pe kua tautala tauanoa ki nā mea a iētahi tino.

1 Petelu 4:19

Ko te mea ia, ko nā tino e puapuagā ona ko te mea ia kua finagalo ki ei te Atua, ka ki lātou faia te mea e hako ma tuku kātoatoa atu ki lātou ki te pule a tē na faia ia mea uma, ma e tauhi pea lava ki ana folafolaga.