1 Petelu 3:16 - Tokelauan New Testament

¹⁶ Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.

1 Petelu 3:16 ပူးပေါင်းရင်းမြစ်များ

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Loma 9:1

Ko au e tautala i te meamoni; ko au e a Keliho ma ko au e hē pepelo. Ko te Agaga Paia tē e pūlea toku lotofuatia, e ia fakamāonia foki ko au e hē pepelo

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

1 Timoteo 1:19

ma tāofi mau ki te fakatuatua ma te lotofuatia e mamā. Ko iētahi tino kua hē fakalogo ki o lātou lotofuatia, ma kua fakahēaogā ai e ki lātou to lātou fakatuatua.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.

Tito 2:8

Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 2:19

Ka fakamanuiagia koutou e te Atua pe kāfai koutou e onohai i nā tīgā e hē tatau ke pa koutou ki ei, ona e iloa e koutou te mea e fofou ia ki ei.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

1 Petelu 4:4

Ko tagata fakapaupau i te taimi nei, e ofo auā ko koutou kua hē toe ola i he ōlaga hē taupulea e vē ko ki lātou, ma ko te mea ia kua fai ai e ki lātou nā tala tau fakakino ki a te koutou.