1 Petelu 3:14 - Tokelauan New Testament

¹⁴ Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 3:14 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 10:31

Koutou la nahe mātataku; e hili lele atu te tāua o koutou i te Atua i lo nā tamā manulele e lahi.

Mataio 10:39

Ko te tino e mānumanu ki tona ola, ka hē ia mauagia; kae ko te tino e māumau tona ola ona ko au, ka maua e ia.

Mataio 16:25

Auā ko ai lava e mānumanu ki tona ola, ka hē ia mauagia; kae ko ai lava e māumau tona ola ona ko au, ka maua e ia.

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Maleko 10:29

Ka kua vāgana atu ia Iehu ki a te ki lātou, “E takutino atu e au ki a te koutou, ho he tino e ia tukua tona fale, pe ko ona uho, pe ko ona tuafafine, pe ko tona mātua, pe ko tona tamana, pe ko tana fānau, pe ko ona fenua ona ko au ma te Tala Lelei,

Maleko 8:35

Auā ko ai lava e mānumanu ki tona ola, ka hē ia mauagia; kae ko ai lava e māumau tona ola ona ko au ma te Tala Lelei, ka maua e ia.

Ioane 14:1

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Iakopo 5:11

Ko nā tino e onohai e lea ki tātou e fiafia. Kua fakalogo koutou ki te onohai o Iopu, ma e koutou iloa nā mea na fai e te Aliki mo ia i te fakaikuga. Ko te Aliki e tīgā alofa ma alofa fakamāgalo.

1 Petelu 3:6

Nae vēnā ia Hala; nae uhitaki ki a Apelaamo ma nae ia takua ia Apelaamo ko tona matai. Ko koutou i te taimi nei ni afafine e o ia, pe kāfai e koutou faia nā mea e lelei ma hē mātataku i he mea e fokotahi.