1 Petelu 3:11 - Tokelauan New Testament

¹¹ E tatau ke liliu kehe mai te kino, ma fai nā mea e lelei; e tatau ke hakili ki te fīlēmū ma tona loto kātoa.

1 Petelu 3:11 ပူးပေါင်းရင်းမြစ်များ

Mataio 5:45

kae ke kavea ai koutou ma fānau a te koutou Tamana i te lagi. Auā e fakapupula e ia te la ki tagata lelei ma tagata kino, ma fakamaligi ifo te ua ki a te ki lātou e āmiotonu ma ki lātou e āmiokino.

Mataio 5:9

Amutia nā tino e fakatupua te fīlēmū; auā ka takua ki lātou he fānau e a te Atua!

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Maleko 14:7

Ka i ei pea lava nā tino mātitiva ma koutou, ma mafai ke fehoahoani koutou ki ei i ho he taimi; kae ka hē i ei pea lava au ma koutou.

Luka 1:79

ma fakahuhulu ifo mai te lagi ki luga o nā tino uma e nonofo i te pōuli o te ata o te oti, ke takitaki ai o tātou vae ki te auala o te fīlēmū.”

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Luka 6:9

Oi lea atu ai ia Iehu ki a te ki lātou, “Ko au e fehili atu: He ā te fakataga i te tātou Tūlāfono ke fai i te Hāpati? Ko te fai o he mea ke fakahao ai he ola, pe ke fakauma ai?”

Ioane 17:15

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

Loma 12:18

Fai uma nā mea e koutou mafaia, ke mafai ai oi maua he ōlaga fīlēmū i te va o koutou ma iētahi tino uma lele.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 7:19

E hē kō faia te mea lelei e fofou au ki ei, kae e fai e au te mea kino e hē fofou au ke kō faia.

Loma 7:21

Ma kua iloa e au ko te tūlāfono tēnei te māfua ai; kāfai au e fofou ke fai te mea e lelei, ko te kino lava te mea e iku ake e fai e au i taimi uma.

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Iakopo 4:17

Ko te mea ia, kāfai kua iloa e ki tātou te mea e tatau ke fai kae hē ki tātou faia, ko ki tātou la kua agahala.

1 Petelu 3:12

Auā e kikila ma puipui e te Aliki nā tino e āmiotonu ma fakalogo ki a lātou tatalo; kae e teteke ki nā tino e faia nā mea e kino.”

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.