1 Petelu 2:7 - Tokelauan New Testament

⁷ Ko te fatu tēnei e tāua lahi lele mo koutou kua talitonu, kae mo ki lātou e hē talitonu: “Ko te fatu na tīaki e nā faufale e hē aogā na iku ake ko te fatu ia e pito hili ona tāua.”

1 Petelu 2:7 ပူးပေါင်းရင်းမြစ်များ

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Luka 2:32

He mālamalama ke fakakitea ai tō finagalo ki tagata nukukehe, ma maua ai he vīkiga mo ō tagata Ihalaelu.”

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Luka 20:17

Kua kikila atu ia Iehu ki a te ki lātou oi fehili vē atu ai ki ei, “He ā la te uiga o te tuhituhiga paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua.’

Ioane 4:42

ma kua lea vē atu ki lātou ki te fafine, “E hē ona ko nā mea na lea mai ai koe te kua talitonu ai ki mātou, kae ona na ki mātou lagona lelei lava nā mea nae tautala ai ia Iehu, ma kua ki mātou mautinoa ai, ko ia lava ko te Fakaola o te lalolagi.”

Gāluega 26:19

“Ko te mea la ia te Tupu ko Akalipa, ko au na uhitaki ki te fakaaliga na kō maua mai te lagi.

Loma 10:21

Kae na lea vē e uiga ki tagata o Ihalaelu, “I te aho kātoa e falōlō atu oku lima ke toe foki mai oku tagata hē uhitaki ma fakatuikehe.”

Loma 15:31

Tatalo ke puipui malu au mai nā tino hē talitonu i Iutea ma ke talia taku galue tautua i Ieluhalema e tagata o te Atua.

2 Kolinito 2:16

Auā ko nā tino e hē fakaolagia, ko te manogi o te oti te ki lātou hogitia ma e maua ai ki lātou i te oti; kae ko nā tino e fakaolagia, ko te manogi o te ola te ki lātou hogitia ma e maua ai e ki lātou te ola. Ko ai la he tino e ia mafaia iēnei mea?

Kolohe 2:10

ma kua fōki atu mo koutou te ola e kātoatoa, i te māfutaga fakatahi ma ia. Ko ia e pule aoao ki ho he agaga e takua he tupu, pe e ia te ia he pule.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Epelu 11:31

Ko te fakatuatua te na hēki oti ai ia Lahapa te fafine talitāne ma nā tino nae hē uhitaki ki te Atua, auā na fakafeiloaki ma te fiafia e ia nā hipai Ihalaelu.

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Petelu 2:4

Ōmamai ki te Aliki, te fatu e ola pea lava na tīaki e tagata e hēai he aogā, kae na filifilia e te Atua e tāua lahi lele.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.