1 Petelu 2:5 - Tokelauan New Testament

⁵ Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

1 Petelu 2:5 ပူးပေါင်းရင်းမြစ်များ

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 3:9

Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Kolohe 3:17

Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.

1 Timoteo 3:15

nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

1 Petelu 4:17

Auā kua pa mai te taimi ka kāmata ai te fakamahinoga, ma ko nā tino moni o te Atua ko ki lātou iēnā te ka muamua oi fakamahino. Kāfai e kāmata ia te ki tātou, he ā nei te ikuga o nā tino e hē talitonu ki te Tala Lelei mai te Atua?

Fakaaliga 1:6

ma na ia faia ki tātou ma ohitāulaga i tona mālō ke tautua ki tona Atua ma tona Tamana. Ke ia Iehu Keliho te vīkiga ma te mana ke pa ki te fakavavau lava! Amene.

Fakaaliga 20:6

Ko nā tino iēnei kua fakamanuiagia ma e paia. E hēai he pule a te oti tona lua ki a te ki lātou. Ka fai ki lātou ma ohitāulaga a te Atua ma a Keliho, ma ka pule fakatupu ki lātou fakatahi ma ia mo he afe tauhaga.

Fakaaliga 3:12

Ko ai lava e manumālō, ka kō kavea ki lātou ke fai ma poutū o te mālumalu o toku Atua, ma ka hē toe olo kehe lele mai ai ki lātou. Ka kō tuhiagia ki o lātou luga te igoa o toku Atua ma te igoa o te kakai o toku Atua, te Ieluhalema fou, tēia ka fanaifo ki lalo mai te lagi mai toku Atua. Ka kō tuhiagia foki ki o lātou luga toku igoa fou.

Fakaaliga 5:10

Kua fakatū e koe ki lātou ma mālō o ohitāulaga, ke kaukauna ki to tātou Atua, ma ka pule ki lātou i te lalolagi.”