1 Petelu 2:23 - Tokelauan New Testament

²³ Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.

1 Petelu 2:23 ပူးပေါင်းရင်းမြစ်များ

Luka 23:41

Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki i ei hana mea hehē na fai.”

Luka 23:46

Oi kalaga leo lahi ai ia Iehu, “Te Tamana, kua kō tuku atua toku agaga ki ō lima!” Na uma lava te lea vēnā atu, oi to ai loa tana mānava.

Luka 23:9

Ko te mea ia na lahi ai ana fehili na fai ki a Iehu, kae e hēki tali lele ki ei ia Iehu.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Gāluega 4:29

Ma i te taimi nei te Aliki, kikila ki a lātou kupu fakamataku kua fai mai ki a te ki mātou, ma fōki mai ki au kaukauna te avanoa ke folafola ai e ki mātou tau fekau, e aunoa ma he mataku.

Gāluega 7:59

Ka koi fai lava te lātou gāluega ko te fetogiga o Hetefano, ka kua fai te tatalo a Hetefano, “Iehu te Aliki, talia mai ko toku agaga!”

Gāluega 9:1

I te taimi tēnā, koi fai lava ia hāuāga a Haulo ma fakamataku e ia i te oti, nā tino kua talitonu ki te Aliki. Kua fano ki te Ulu Ohitāulaga

Loma 2:5

Kae ona ko tō loto e faigatā ma makaka, ka fakalahi ai lava e koe tō fakahalaga i te Aho e fakaalia ai e te Atua tona tōkahā, ma te tonu o tana fakamahinoga.

Efeho 6:9

Ko koutou matai, ke vēnā foki autou faiga ki autou pologa, ma nahe faia ni faiga ke fakamataku ai ki lātou. Ke manatua e koutou, ko koutou ma autou pologa, e a te Matai lava e fokotahi i te lagi, ma e hē fakapito ia ki he tino.

2 Tehalonia 1:5

Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Epelu 12:3

Māfaufau ki nā mea na pa ia ki ei; ki te lava o tona onohai ki faiga fakatauemu a nā tino agahala nae feita lahi ki ei. Koutou la nahe fakavāivai pe loto pala.

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.

1 Petelu 4:19

Ko te mea ia, ko nā tino e puapuagā ona ko te mea ia kua finagalo ki ei te Atua, ka ki lātou faia te mea e hako ma tuku kātoatoa atu ki lātou ki te pule a tē na faia ia mea uma, ma e tauhi pea lava ki ana folafolaga.

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.