1 Petelu 2:20 - Tokelauan New Testament

²⁰ Auā he ā te aogā kāfai koutou e onohai i te kini e tatau mo koutou ona ko nā mea hehē a koutou nae fai? Kae kāfai koutou e onohai i nā puapuagā e tuha lava pe nae koutou faia nā mea e lelei, ka koutou mauagia te fakamanuiaga mai te Atua ona ko te mea tēnā.

1 Petelu 2:20 ပူးပေါင်းရင်းမြစ်များ

Mataio 26:67

Oi tūfeanu ai ki lātou ki ona mata ma kini i o lātou lima; ma ko nā tino nae ki lātou kinia

Mataio 5:47

Ma kāfai koutou e fakataumuna oioti ki autou uō, kua koutou faia nei he mea e kehe mai nā mea e fai e iētahi tino? E pa foki lava ki tagata nukukehe e fai e ki lātou te mea tēnā!

Maleko 14:65

Ko iētahi o ki lātou kua kāmata oi tūfeanu ki a Iehu, kua nonoa e ki lātou ona mata kae kini i o lātou lima, ma lea vē ki ei, “E kē iloa la pe na hei tukia koe?” Oi kave ai ia Iehu e nā leoleo ma kini e ki lātou.

Luka 6:32

“Kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou fakamanuiaga? E pa foki lava ki nā tino agahala, e alolofa ki nā tino e alolofa ake ki a te ki lātou!

1 Kolinito 4:11

Ke pa mai ki te taimi nei, ko ki mātou e fia kakai ma fia inu; e kokofu i nā kofu gāhaehae; e kini; e hēai ni mea e nonofo ai;

Kalatia 4:18

Ko he mea e lelei te tuahā ki he mea, pe kāfai ko te māfuaaga e lelei — ko te mea tēnei e hako i taimi uma, kae e hē vē e hako oioti i nā taimi e i kinā ai au.

Efeho 5:10

Taumafai ke iloa e koutou te mea e fiafia ki ei te Aliki.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

1 Petelu 2:19

Ka fakamanuiagia koutou e te Atua pe kāfai koutou e onohai i nā tīgā e hē tatau ke pa koutou ki ei, ona e iloa e koutou te mea e fofou ia ki ei.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 3:17

Auā e hili atu te puapuagā o koutou ona e koutou faia nā mea lelei, pe kāfai ko te finagalo ia o te Atua, i lo te puapuagā ona ko nā mea kino e koutou faia.