1 Petelu 2:19 - Tokelauan New Testament

¹⁹ Ka fakamanuiagia koutou e te Atua pe kāfai koutou e onohai i nā tīgā e hē tatau ke pa koutou ki ei, ona e iloa e koutou te mea e fofou ia ki ei.

1 Petelu 2:19 ပူးပေါင်းရင်းမြစ်များ

Luka 6:32

“Kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou fakamanuiaga? E pa foki lava ki nā tino agahala, e alolofa ki nā tino e alolofa ake ki a te ki lātou!

Ioane 15:21

Kae ko nā mea uma iēnei ka ki lātou faia ki a te koutou ona ko koutou e āku; auā e hē ki lātou iloa tē na ia uga maia au.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Loma 13:5

Ona ko te mea tēnei, e tatau ai koutou ke uhitaki ki a te ki lātou e i ei te pule — e hē gata ona ko te fakahalaga a te Atua, kae ko he mea foki e iloa lelei lava e koutou e tatau ke koutou faia.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 8:1

Te kau uho, ko ki mātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Epelu 10:2

Anei nā tino e tāpuaki ki te Atua na fakamamāgia moni mai a lātou agahala, e vēnei ake kua hē toe popole o lātou loto ki te agahala, ma hē toe faiagia ni tāulaga.

1 Petelu 2:20

Auā he ā te aogā kāfai koutou e onohai i te kini e tatau mo koutou ona ko nā mea hehē a koutou nae fai? Kae kāfai koutou e onohai i nā puapuagā e tuha lava pe nae koutou faia nā mea e lelei, ka koutou mauagia te fakamanuiaga mai te Atua ona ko te mea tēnā.

1 Petelu 4:15

Kae nahe i ei lele he tino o koutou e puapuagā ona kua tāmate tino, pe kua kaihohoa, pe kua holi tūlāfono, pe kua tautala tauanoa ki nā mea a iētahi tino.