1 Petelu 2:18 - Tokelauan New Testament

¹⁸ Koutou nā kaukauna, e tatau ke talia e koutou te pule a outou matai ma āva ki ei, e hē nā ki a te ki lātou e alolofa ma fai lelei atu ki a te koutou, kae ke vēnā foki ki a te ki lātou e fakahāuā atu.

1 Petelu 2:18 ပူးပေါင်းရင်းမြစ်များ

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Tito 3:2

Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.