1 Petelu 2:17 - Tokelauan New Testament

¹⁷ Āva ki ho he tino, alolofa ki outou uho a Kelihiano, mātataku i te Atua ma āva ki te Tupu o Loma.

1 Petelu 2:17 ပူးပေါင်းရင်းမြစ်များ

Mataio 22:21

Kua tali mai ki lātou, “E o Kaihala.” Oi lea atu ai ia Iehu ki a te ki lātou, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.”

Ioane 13:35

Kāfai koutou e alofa tētahi ki tētahi, ka iloa ai e tagata uma, ko koutou ni hoko e ōku.”

Loma 12:10

Ke alofa tētahi ki tētahi e vē ni uho, ma tauva ke hili atu te fakaaloalo o tētahi i lo tētahi.

Loma 13:7

Totogi la nā tupe e nofo kaitālafu ai koutou ki ei; totogi ki ei nā itūkāigā lāfoga uma e tatau ke koutou totōgia, ma kavatu ki a te ki lātou uma te fakaaloalo ma te āva e tatau ai.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Efeho 5:21

Ke tuku atu kātoatoa tētahi ki te pule a tētahi ona ko te koutou fakaaloalo lahi ki a Keliho.

Filipi 2:3

Nahe faia lele he mea e koutou e ala i te manatu fakapito pe ko te fāfia, kae fai i te loto maulalo, ma ke fakamuamua lava te manatu, e hili atu te tāua o iētahi tino i lo koutou.

1 Timoteo 6:1

Ko nā pologa e tatau ke ki lātou iloa ko he mea e tatau ke fakaaloalo ki lātou ki o lātou matai, kae ke nahe takukinoa ai te igoa o te Atua ma nā akoakoga a ki mātou.

Epelu 13:1

Ke tūmau pea te alofa o tētahi ki tētahi e vē ona tatau ke fai e tagata uma kua mulimuli ki te Aliki.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 2:13

Ko te Aliki e fofou ko koutou ke uhitaki ki nā pūlega uma fakatetagata: ki te Tupu o Loma, tē e pūlea ia tagata uma,

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”