1 Petelu 2:12 - Tokelauan New Testament

¹² E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 2:12 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Luka 1:68

“Ke vīkia te Aliki, te Atua o Ihalaelu! Kua hau ke fakaola ona tagata.

Luka 19:44

Ka ki lātou tuki momoia koe ki lalo, ko koe ma au fānau i loto i ō pa; ka hēai he fatu e fokotahi e ki lātou fakatotoea i luga o he tahi fatu, auā e hēki iloa e koe te taimi na āhiāhi mai ai te Atua, ke laveaki koe!”

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Ioane 13:31

Kua fano kehe ia Iuta, oi vāgana atu ai ia Iehu, “Ko te taimi nei e fakaalia ai te mamalu o te Ataliki o te Tagata; ko te taimi nei e fakaalia ai te mamalu o te Atua e ala i te Ataliki o te Tagata.

Gāluega 15:14

Na fātoā uma atu nei lava te fakamālamalama e Himona, pe na vēhea ona muamua āhiāhi te Atua ki tagata nukukehe, ma ia kave kehea mai ia te ki lātou, ni tino ke fai ma ona tagata.

Gāluega 24:13

E hē ki lātou mafaia foki oi tuku atu ki a te koe he fakamāoniga o a lātou mōliga kua fai mai nei e uiga ki a te au.

Gāluega 25:7

I te pa maiga o Paulo, oi tutū ai nā tino Iutaia na ōmamai mai Ieluhalema i tafa o ia ma kāmata oi fai a lātou mōliga mamafa e lahi e uiga ki a Paulo, kae e hēki ki lātou mafaia oi tuku atu ni fakamāoniaga o a lātou mōliga.

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Loma 12:17

Nahe koutou tauia i he hehē he hehē o he tino ki a koutou, kae taumafai ke fai e koutou nā mea e manatu ia tagata uma e lelei.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 15:9

ma ke mafai ai ia tagata nukukehe ke ki lātou vīkia te Atua, ona ko tona alofa fakahao. E vē oi tūhia i nā Tuhituhiga Paia, “Ma ka vīkia koe e au i te mea e i ei ai ia tagata nukukehe; ka pehe au i nā vīkiga ki a te koe.”

1 Kolinito 14:25

ka kaumai ki fafo mai o lātou loto o lātou manatunatuga lilo, ma ka fakapakukū ki o lātou tulivae ma ifo ki te Atua ma ta lātou takutinoga, “E moni lava ko te Atua e i kinei fakatahi ma koutou!”

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 13:7

Ko ki mātou e tatalo ki te Atua, ke nahe koutou faia nā mea hehē — e hē ona ke fakaalia ai ko ki mātou kua pāhi i te hukega, kae ke mafai ai ke fai e koutou te mea e tonu, e ui lava e vē ka ono fōliga ai ko ki mātou e hēki pāhi.

2 Kolinito 8:21

Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

1 Tehalonia 4:12

Kā koutou faia nā mea tēnei, ka fakaaloalo atu ai foki ki a te koutou nā tino e hē talitonu ki te Atua, ma ka hē toe fakalagolago ai foki koutou ki he tino, e tuha ai ma nā mea e manakomia e koutou.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Epelu 13:5

Koutou nahe mānumanu ki te tupe, kae talia ma te fiafia nā mea kua maua e koutou. Auā kua vāgana te Atua, “E hē kō tukua lele koutou; ka hē kō tiakia lele koutou.”

Iakopo 3:13

Ko ai te tino o koutou e poto ma mālamalama? E tatau ke ia fakamāoniagia e ala i tona ōlaga lelei, ma ana gāluega lelei e fai i te loto maulalo ma te poto.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,