1 Petelu 2:10 - Tokelauan New Testament

¹⁰ Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

1 Petelu 2:10 ပူးပေါင်းရင်းမြစ်များ

Loma 10:19

Ko au e toe fehili: Ko tagata nei o Ihalaelu e hēki mālamalama? Na tali lava e Mohe te fehili tēnei i te leaga e uiga ki te vāgana a te Atua e vē: “Ka fakaaogā e au nā tino o mālō hē taulia ke fakatupu ai te lotokino ki oku tagata; ma e ala i nā mālō o tagata vālea ka fakatupu ai e au te ita ki oku tagata.”

Loma 11:30

Kae vē la ko koutou tagata nukukehe, e i ei te taimi na teteke ai koutou ki te Atua. Kae i te taimi nei, kua teteke ia tagata Ihalaelu ki te Atua, ma kua fakaalia tona alofa fakahao mo koutou.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.