1 Petelu 1:8 - Tokelauan New Testament

⁸ E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Petelu 1:8 ပူးပေါင်းရင်းမြစ်များ

Mataio 10:37

“Ko ai lava te hili tona alofa ki tona tamana pe ko tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ko tona afafine i lo au, e hē aogā ia ke kavea ma oku hoko.

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 14:21

“Ko nā tino e talia e ki lātou aku fakatonuga ma uhitaki ki ei, ko ki lātou iēnā e alolofa mai ki a te au; ma ko nā tino e alolofa mai ki a te au, ka alofa ki ei toku Tamana; ma ka vēnā foki ona alofa au ki ei, ma kō fakailoa au ki a te ki lātou.”

Ioane 14:24

Ko nā tino e hē alolofa mai ki a te au, e hē uhitaki foki ki aku akoakoga. Ma ko nā akoakoga kua fakalogo koutou ki ei, e hē āku, kae e mai te Tamana na ia uga maia au.

Ioane 16:22

E vēnā foki la koutou; i te taimi nei ko koutou e fakanoanoa, kae ka toe kitea au e koutou, ma ka fakatumulia ai outou loto i te fiafia, te itūkāigā fiafia e hē mafai e he tino oi kave kehe mai ia te koutou.

Ioane 20:29

Kua vāgana atu ia Iehu ki a te ia, “Ko koe kua talitonu ona kua kē kiteagia au? Amutia nā tino e talitonu kae hē ki lātou kitea au!”

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Gāluega 16:34

Oi kave ai e ia ia Paulo ma Hila ki tona fale ma fai te lā katiga. Na fakatumulia i te fiafia te leoleo falepuipui ma tona kau kāiga, auā ko ki lātou kua talitonu ki te Atua.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

2 Kolinito 5:7

Auā ko ki mātou e ola ona ko te fakatuatua, kae hē ona ko nā mea e kitea i nā mata.

2 Kolinito 9:15

Tātou fakafetai ki te Atua ona ko tana meaalofa tāua lahi.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

Filipi 1:25

E mautinoa e au te mea tēnei, ma e iloa e au ko au e hē oti kae ka fakatahi pea au ma koutou uma, ke fakatupu ātili ai te koutou fiafia e ala i te talitonu ki a Iehu Keliho;

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Filipi 4:4

Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!

Epelu 11:1

Ko te fakatuatua ki te Atua e mautū ai to tātou fakamoemoe, ma mautinoa ai nā mea e hē ki tātou kitea.

Epelu 11:27

Ko te fakatuatua o Mohe te na ia tukua ai ia Aikupito. Na ia kiteagia te Atua lilo, ma na kavea tēnā ma mea e hēki mataku ai i te tōkahā o te tupu.

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.

1 Petelu 2:7

Ko te fatu tēnei e tāua lahi lele mo koutou kua talitonu, kae mo ki lātou e hē talitonu: “Ko te fatu na tīaki e nā faufale e hē aogā na iku ake ko te fatu ia e pito hili ona tāua.”

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.