1 Petelu 1:5 - Tokelauan New Testament

⁵ Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

1 Petelu 1:5 ပူးပေါင်းရင်းမြစ်များ

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 17:15

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

Loma 8:18

I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Filipi 1:6

E mautinoa e au ko te Atua, tē na ia kamatagia te gāluega lelei i loto ia te koutou, ka galue pea lava ke pa ki te fakaikuga i te Aho o Keliho Iehu.

Filipi 4:7

Ma ko te fīlēmū o te Atua, tēia e hē tāitai ke pa ki ei te mālamalama o te tagata, ka puipui malu ki outou loto ma outou māfaufau, i te māfutaga fakatahi ma Keliho Iehu.

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

2 Petelu 1:3

Ko te mana o te Atua kua maua ai e ki tātou nā mea uma e manakomia e ki tātou ke ola ai ki tātou i he ōlaga e fiafia ki ei te Atua, e ala i to tātou mālamalama i tē kua ia kalagagia ki tātou ke i ei fakatahi ma ia i tona lava mamalu ma te lelei kātoatoa.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —