1 Petelu 1:25 - Tokelauan New Testament

²⁵ kae ko te kupu a te Aliki e tūmau pea lava ke pa ki te hēgata.” Ko te kupu tēnei ko te Tala Lelei tēia na tālaki atu ki a te koutou.

1 Petelu 1:25 ပူးပေါင်းရင်းမြစ်များ

Mataio 5:18

Auā e takutino atu e au ki a te koutou, ka ko hēki mavae atu te lagi ma te lalolagi, e hēai he mea e tōkehea mai i te Tūlāfono, ke pa lava ki he koma pe he mataituhi — heiloga kua taunuku nā mea uma.

Luka 16:17

Kae e faigōfie ke mavae kehe atu te lagi ma te lalolagi, i lo te tōkehea o he koma pe he mataituhi e fokotahi mai te Tūlāfono.

Ioane 1:1

Nae i te kāmataga te Kupu, ma nae i ei fakatahi ma te Atua, ma ko te Kupu ko te Atua.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

1 Kolinito 2:2

Auā ka koi i ei au ma koutou, na tonu i toku māfaufau ke tuku iētahi mea kae ke akoako atu oioti e uiga ki a Iehu Keliho, kae maihe lava tona mate i luga o te hātaulo.

Efeho 2:17

Ko Keliho la na hau ma na ia tālakia te Tala Lelei o te fīlēmū ki tagata uma — ki a te koutou tagata nukukehe nae mamao ma te Atua, ma ki tagata Iutaia nae pili ki a te ia.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Epelu 6:5

na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

2 Petelu 1:19

Oi kua ātili ai la to mātou mautinoa e tuha ai ki te fekau na fakailoa mai e te kau pelofeta. E hili la te koutou talitonu ki ei, auā e vē ko he lāmepa e mumū i he mea pōuli ke pa ki te tafa o ata o te Aho, ma huhulu atu ai te fetu o te taeao ki outou loto.

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

Fakaaliga 14:6

Oi kō kitea atu ai hētahi agelu e lele maualuga ake i te vānimonimo ma he fekau e uiga ki he Tala Lelei e tūmau pea ke pa ki te fakavavau, ke folafola ki tagata uma o te lalolagi, ki lanu uma, ki nuku uma, ki gagana uma ma mālō uma.