1 Petelu 1:21 - Tokelauan New Testament

²¹ Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 1:21 ပူးပေါင်းရင်းမြစ်များ

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Ioane 12:44

Na leo lahi lele ia Iehu ma lea vē atu, “Ko ai lava e talitonu mai ki a te au, e hē talitonu mai oioti ki a te au, kae e talitonu foki ki tē na ia uga maia au.

Ioane 14:1

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Loma 10:9

Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

Loma 4:24

Na tūhia foki mo ki tātou, ki tātou iēia ka fakaleleia e te Atua to tātou va ma ia, ma e talitonu ki tē na ia toe fakatū maia mai te oti, ia Iehu tō tātou Aliki.

2 Kolinito 6:15

E vēhea ona mafai ke maua he tahi ia Keliho ma Hātani? He ā ni mea e tutuha ai te tino kua talitonu ma te tino hē talitonu?

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Timoteo 1:1

Mai ia Paulo, he apohitolo a Keliho Iehu na fakatonugia e te Atua to tātou Fakaola ma Keliho Iehu to tātou fakamoemoe —

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

Epelu 6:1

Tātou olo la ki mua ki nā akoakoga mo nā tino mātutua, kae tuku nā lehona muamua e uiga ki a Keliho. E hē tatau ke haga talanoa pea lava ki tātou ki te māfuaaga e tatau ai ki tātou ke liliu kehe mai nā faiga e hēai he aogā, ma pe aiheā foki te tatau ai ki tātou ke talitonu ki te Atua.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.