1 Petelu 1:2 - Tokelauan New Testament

² Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

1 Petelu 1:2 ပူးပေါင်းရင်းမြစ်များ

Mataio 24:22

Kae kua uma te fakaitiitia e te Atua te nūmela o nā aho; anei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakaitiitia ai e ia te nūmela o nā aho.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Maleko 13:20

Kae kua uma te fakaitiitia e te Aliki te nūmela o nā aho; anei ake e hēki ia faia te mea tēnei, e hēai he tino fokotahi e mafai ke ola. Kae ona ko te alofa o te Atua ki ona tagata kua uma te ia filifilia, kua fakaitiitia ai e ia te nūmela o nā aho iēnā.

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Maleko 13:27

Ka uga atu e ia nā agelu ke fakamāopoopo mai nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Luka 18:7

Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Loma 11:2

E hēki tetekea e te Atua ona tagata na ia filifilia mai te kāmataga. E iloa e koutou te mea e tūhia i te tuhituhiga paia, ki te fakatagi a Elia ki te Atua e uiga ki a Ihalaelu:

Loma 11:28

Ona ko to lātou teteke ki te Tala Lelei, kua kavea ai ia tagata Iutaia ma fili ki te Atua, mo te lelei o koutou tagata nukukehe. Kae ona ko te filifiliga a te Atua, kua kavea ai ki lātou ma ana uō ona ko o lātou tupuna.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 16:19

Auā e ui kua iloa e tagata uma te koutou fakamāoni, ma ko te mea ia e fiafia ai au, ko au e fofou ke iloa e koutou nā mea e lelei, ma tau mamao lele ma nā mea e kino.

Loma 16:26

Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Loma 8:33

Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou va ma ia!

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

2 Kolinito 10:5

e talepe ki lalo e ki mātou nā mea uma e fakatutū ke fai ma lave ki te mālamalama o tagata, e uiga ki te Atua. E puke fakamālohi e ki mātou ia manatu tau tokatahi uma, ma fakamālohia ke uhitaki ki a Keliho.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 11:28

Ko te fakatuatua te na ia fakatinoa ai te Pāheka ma na ia fakatonua ai ke vali nā faitotoka i te toto, kae ke nahe tāmatea ai e te Agelu o te Oti, nā pepe tama ulumatua o Ihalaelu.

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

1 Petelu 1:14

Uhitaki ki te Atua, ma nahe pūlea outou ōlaga e nā manatu nae ia te koutou kae ko hēki koutou iloa ai te Tala Lelei e uiga ki a Iehu Keliho.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

2 Petelu 1:2

Ke ia te koutou te kātoaga o te alofa tūnoa ma te fīlēmū e ala i te koutou iloa o te Atua ma Iehu to tātou Aliki.

2 Ioane 1:1

Mai te Toeaina — Ki te Fafine pele ma tana fānau, e alofa lahi au ki ei. Ma e hē nā ko au oioti, kae ko ki lātou uma e iloa te meamoni, e alolofa atu ki a te koutou,

2 Ioane 1:13

E fakafeiloaki atu nā fānau a te koutou Tuafafine pele ki a te koutou.

Iuta 1:2

Ke ia te koutou te alofa tūnoa, te fīlēmū ma te agalelei mai te Atua.