1 Petelu 1:12 - Tokelauan New Testament

¹² Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 1:12 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 2:26

ma na fakailoa ki ei e te Agaga Paia, ko ia e hē oti heiloga kua ia kitea te Mehia, na folafola e te Aliki.

Luka 9:6

Oi olo ai nā hoko, kua kui atu i nā tamā kakai uma, ma tālaki atu te Tala Lelei, ma fakamālōlō ia tagata i nā koga uma lele.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

Gāluega 10:44

Ka koi tautala ia Petelu, kae fanaifo te Agaga Paia ki luga o ki lātou uma nae fakalogologo ki te fekau.

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 2:33

Kua hikitia ake ia ki te itū taumatau o te Atua tona Tamana, ma kua tuku atu ki a te ia te Agaga Paia, e vē oi folafola e tona Tamana ki a te ia. Ko te mea la kua kikila ma fakalogo koutou ki ei nei, ko tana meaalofa tēnā kua liligi ifo ki o mātou luga.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina:

Gāluega 8:25

Kua uma te fai o te takutinoga ma te fakailoa atuga o te fekau a te Aliki e Petelu ma Ioane, oi toe foki ai ki lāua ki Ieluhalema. Na tālaki e ki lāua te Tala Lelei, ki nā tamā kakai e lahi o Hāmālia, i to lā auala ki Ieluhalema.

Loma 1:15

Ko te mea ia e naunau lele ai au, ke kō folafola atua foki te Tala Lelei ki a te koutou iēnā e nonofo i Loma.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

1 Kolinito 2:10

Auā kua fakailoa mai e te Atua tana mealilo ki a te ki mātou e ala i tona Agaga. Ko te Agaga e hākilikili ki nā mea uma, ke pa lava ki te lolotoga o fuafuaga a te Atua.

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

Kalatia 1:12

E hēki maua e au mai tagata, pe na akoako mai e ni tino ki a te au. Na maua e au i te fakailoa maiga o Iehu Keliho ki a te au.

Kalatia 1:16

fakailoa mai tona Ataliki ki a te au kae ke mafai ai e au oi tālaki te Tala Lelei a uiga ki a te ia ki tagata nukukehe, e hēki hakili fehoahoani au ki he tino,

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

1 Petelu 1:25

kae ko te kupu a te Aliki e tūmau pea lava ke pa ki te hēgata.” Ko te kupu tēnei ko te Tala Lelei tēia na tālaki atu ki a te koutou.

1 Petelu 4:6

Ko te mea ia na folafola ai foki te Tala Lelei ki nā tino kua feoti, e ui lava kua fakamahinogia ki lātou i te fakatetagata e vē oi fakamahinoagia ia tagata uma, ko o lātou agaga ka ola e vē oi ola te Atua.

Fakaaliga 5:11

Na toe kikila atu foki au, ma kō lagona nā agelu e faitau afe ma afe ma miliona ma miliona, e tutū hiko fakatāmilo i te nofoāliki, i tua mai o nā meaola ma nā toeaina,