1 Kolinito 9:7 - Tokelauan New Testament

⁷ Ko ai ni fitafita e totogi lava e ki lātou nā mea e ola ai ma nā mea e fakaaogā e ki lātou? Ko ai ni faifatoaga e hē kakai lele ki ni vine mai o lātou lava tōvine? Ko ai ni leoleomāmoe e hē ki lātou fakaaogā nā huāhuhu mai a lātou lava māmoe?

1 Kolinito 9:7 ပူးပေါင်းရင်းမြစ်များ

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.