1 Kolinito 9:3 - Tokelauan New Testament

³ Kāfai au e fehiligia e tagata, ko tēnei taku tali atu ki ei:

1 Kolinito 9:3 ပူးပေါင်းရင်းမြစ်များ

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Gāluega 22:1

“Te kau uho ma oku tamana Iutaia, fakalogo mai ake ke fai atu taku fakamatalaga, ke kitea ai e koutou e hēai haku mea hehē na fai!”

Gāluega 25:16

Kae ko au na lea ki ei, ko ki tātou nā tino Loma e hē māhani oi tuku atu he tino kua mōlia i he holitūlāfono ke fakamahino, kae ko hēki fakafehagai ki nā tino na ki lātou faia te mōliga, ma tuku ki ei he avanoa ke tali atu ai ki ona mōliga.

1 Kolinito 14:37

Kāfai he tino e manatu ko ia ko he pelofeta, pe kua ia te ia he meaalofa fakateagaga, e tatau ke ia hāfia ko te mea e tuhi atu ai au, he fakatonuga e a te Aliki.

1 Kolinito 9:2

Kāfai iētahi tino e manatu ko au e hē he apohitolo, ko te mea hili tēnā e koutou iloa. Ona ko te ōlaga o koutou i te māfutaga ma te Aliki, kua kavea ai koutou ma fakamāoniga ko au ko he apohitolo.

1 Kolinito 9:4

E hē ia te au nei te aiātatau ke fōki mai ai haku meakai ma haku vai inu e tuha ai ma taku gāluega e fai?

2 Kolinito 13:10

Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 13:3

Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou.

2 Kolinito 13:5

Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

Filipi 1:17

Ko iētahi tino, e hē tālakia e ki lātou e uiga ki a Keliho i te agaga moni, kae i te agaga fia hili ma te fakapito; e taumafai ki lātou ke fai nā mea ke ātili āfāina lahi ai au, ka ko i te falepuipui au.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

2 Timoteo 4:16

I te faiga o toku fakamahinoga, e hēai lele he tino na fehoahoani mai ki a te au; ko au na tīaki e ki lātou uma. Ko au e tatalo ke nahe tauia e te Atua te lātou mea tēnei na fai.