1 Kolinito 9:26 - Tokelauan New Testament

²⁶ Ko te mea ia e vili hako ai au ki te laina tini; ko te mea ia e vē ai au ko he tino fuhu e hē fakamāumaua ni ana tuki.

1 Kolinito 9:26 ပူးပေါင်းရင်းမြစ်များ

Mataio 11:12

Mai nā aho na tālaki ai e Ioane tana fekau ke pa mai ki te taimi nei, ko te Mālō o te lagi kua āfāina i nā fakahāuāga, ma nā tino fakahāuā e taumafai ke ki lātou pukeagia fakamālohi.

Luka 13:24

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

1 Kolinito 14:9

E vēnā foki lava oi hē mālamalama he tino i te mea e lea ai koe, kāfai e hē manino te fekau e tautala ai koe i nā gagana kehekehe. Ko au kupu ka mou ki te ea!

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

Efeho 6:12

Auā ko ki tātou e hē tau ma tagata, kae ko ki tātou e fakahaga tau ki nā pūlega kino fakateagaga i te lagi, ki nā tupu, nā taupulega, ma nā mālohiaga i te vāteatea o te tupulaga pōgihā tēnei.

Filipi 1:21

Auā ko he ā nei te ola? Ia te au, ko te ola ko Keliho. Kāfai la ia au e oti, ka maua ai e au iētahi mea e lahi atu.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

2 Timoteo 2:5

Ko he tino e vili i he tūkuga e hē mafai ke maua hona togi vaganā e uhitaki ki nā tūlāfono.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

2 Petelu 1:10

Ko te mea ia oku uho ma tuafafine, taumafai ātili ke kavea te kalagagia ma te filifilia o koutou e te Atua ma mea e mautū i te koutou ōlaga; kāfai e koutou faia te mea tēnei, ka hē mafai lele foki ke tīaki te koutou fakatuatua;