1 Kolinito 9:24 - Tokelauan New Testament

²⁴ E iloa e koutou e tokalahi nā tino fētutuli i he tūkuga, kae e fokotahi oioti te tino e maua e ia te fakailoga. Fētutuli la kae ke maua te fakailoga.

1 Kolinito 9:24 ပူးပေါင်းရင်းမြစ်များ

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

1 Kolinito 9:13

E moni nei lava e hē koutou iloa ko nā tino e gālulue i te Mālumalu e maua a lātou meakai mai te Mālumalu, ma ko nā tino e faia nā tāulaga i te fata faitāulaga e maua to lātou vāega mai nā tāulaga?

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

1 Kolinito 9:26

Ko te mea ia e vili hako ai au ki te laina tini; ko te mea ia e vē ai au ko he tino fuhu e hē fakamāumaua ni ana tuki.

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

Filipi 3:12

Ko au e hē lea atu kua maua e au te mea tēnei, pe ko au kua lelei kātoatoa. Kae ko au e tauivi lava ke kō maua te fakailoga. Ko tēnei tonu foki lava te māfuaaga na kavea ai au e Keliho Iehu ke fai mo ia.

Filipi 3:14

Ko au la e vili hako lava ki te hini kae ke kō maua te fakailoga o te manumālō, ko te kalaga mai tēnā a te Atua e ala ia Keliho Iehu, ki te ola e fakavavau.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Fakaaliga 3:11

Kua pili mai te taimi e fanatu ai au. Tāofi mau ki nā mea kua ia te koe, kae ke nahe kaihohoagia e he tino te fakailoga o tō manumālō.