1 Kolinito 9:22 - Tokelauan New Testament

²² I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

1 Kolinito 9:22 ပူးပေါင်းရင်းမြစ်များ

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

Loma 14:1

Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 14:2

Ko te talitonuga o iētahi tino e kakai ai ki ho he mea, kae ko nā tino e vāivai i te fakatuatua e kakai oioti ki nā fuālakau fatoaga.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 15:2

E tatau ke fai e ki tātou uma nā mea ke fiafia ai iētahi kua talitonu ki te Atua, kae ke kavea ma mea e mālohi ātili ai to lātou fakatuatua.

1 Kolinito 10:33

Fakatakitaki oioti ki nā mea e kō faia; e taumafai lava au ke fakamaliegia ia tagata uma i nā mea e kō faia, e aunoa ma he manatu ki he lelei mo oku lava, ka ko he lelei mo tagata uma, kae ke fakaola ai ki lātou.

1 Kolinito 7:16

Ko koe te āvaga Kelihiano, e vēhea ona kē iloa e mafai e koe oi fakahao tau tāne? Ko koe te tāne Kelihiano, e vēhea ona kē iloa e mafai e koe oi fakahao tau āvaga?

1 Kolinito 8:13

Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.

1 Kolinito 9:19

Auā e ui lava ko au he tino e haoloto, e hē he pologa e a he tino; kae kua kō faia au ma pologa ki tagata uma, kae ke kō maua ai ni tino e tokalahi.

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

2 Kolinito 11:29

Kāfai he tino e vāivai, oi e lagona foki e au te vāivai; kāfai he tino e takitakia ma pakū ki te agahala, ko au e tumu i te fakanoanoa.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.