1 Kolinito 9:21 - Tokelauan New Testament

²¹ E vēnā foki la kāfai au e galue mo tagata nukukehe, ko au e ola e vē he nukukehe i fafo o te Tūlāfono Iutaia, kae ke maua ai e au ia tagata nukukehe. E hē vē la ko au e hē uhitaki ki te tūlāfono a te Atua; ko au e i lalo o te tūlāfono a Keliho.

1 Kolinito 9:21 ပူးပေါင်းရင်းမြစ်များ

Gāluega 15:28

E tutuha lava to mātou manatu ma te mea e fofou ki ei te Agaga Paia, e hē tatau ke toe fakauta atu ni iētahi kavega ki outou luga, vāgana ai nā mea iēnei:

Gāluega 16:4

Na kui loto atu ki lātou i nā tamā kakai, ma na ki lātou fakailoa atua ki te kau uho Kelihiano nā tūlāfono kua uma te fai e te kau apohitolo ma toeaina i Ieluhalema, ma fautuagia ki lātou ke uhitaki ki ei.

Gāluega 21:25

Kae e vē la ki nā tino nukukehe kua kavea ma Kelihiano, kua uma te kave ki ei te mātou tuhi ke taku ki ei kua tonu ia te ki mātou, ko ki lātou e hē kakai ki ho he meakai na ofo ma tāulaga ki nā tupua ta, pe ni toto, pe ho he manuvaefa na titina, ma ke kalo kehe i nā tuinanauga mātagā o te tino.”

Loma 2:12

Ko nā tino uma ko hēki ki lātou iloagia te Tūlāfono a te Atua, ka fakahalagia pea e tuha ai ma a lātou mea hehē e fai. Ka ko nā tino uma kua ki lātou iloa te Tūlāfono, ka fakamahinogia e tuha ai ma te Tūlāfono.

Loma 2:14

Ko tagata nukukehe e hē ki lātou iloa te Tūlāfono; kae i ho he taimi lava e fai ai e ki lātou he mea e fakatonu mai e te Tūlāfono e ala i o lātou lava lagona lilo, e fakaali mai i kinā e iloa e ki lātou nā mea e tatau ma nā mea e hē tatau ke ki lātou faia, e ui lava e hē ki lātou iloa te Tūlāfono.

Loma 7:22

Ko toku loto e fiafia lahi lele ki te tūlāfono a te Atua.

Loma 7:25

Tātou fakafetai ki te Atua, tē e ia faia te mea tēnei e ala ia Iehu Keliho! Ko tēnei la te tūlaga e i ei au: ko au e tautua ki te Tūlāfono a te Atua i toku māfaufau oioti, kae e tautua toku natula fakatetagata ki te tūlāfono e iku ki te agahala.

Loma 8:4

Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

Kalatia 3:2

Ke fehili atu la au vēnei: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei?

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Epelu 8:10

Kae i te taimi nei, ko tēnei te feagaiga ka kō faia ma tagata o Ihalaelu i nā aho koi hau, kua vāgana ai te Aliki: ka tuku e au aku tūlāfono ki o lātou māfaufau ma tūhia ki o lātou fatu. Ka fai au ma o lātou Atua, ma ka kavea ki lātou ma oku tagata.