1 Kolinito 9:17 - Tokelauan New Testament

¹⁷ Anei taku gāluega na fai i toku lava loto malie, e fakamoemoe au ko au e totogi; kae e kō faia ona ko he tiute kua tōfia ai au e te Atua.

1 Kolinito 9:17 ပူးပေါင်းရင်းမြစ်များ

Mataio 10:41

Ko ai lava e ia talia he pelofeta ona ko he pelofeta e a te Atua, ka maua fakatahi to lā taui. Ko ai lava e ia talia he tino āmiotonu ona ko he tino āmiotonu, ka maua fakatahi to lā taui.

Mataio 24:25

Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Ioane 4:36

Ko te tino e ia helehelea, e maua tona totogi, ma e ia fakaputu maia na fua o te fatoaga mo te ola e fakavavau; ma ka fiafia fakatahi ai te tino e ia totōa, ma te tino e ia helehelea.

1 Kolinito 3:14

Kāfai te mea na fau ki luga o te fakavae e hao mai te afi, ka maua e te faufale he taui.

1 Kolinito 3:8

E hēai he mea e kehe ai te tino e ia totōa ma te tino e ia fakahūhūa; ka fōki e te Atua te taui o te tino e tuha ai ma tana gāluega kua fai.

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 9:16

Auā kāfai e tālaki e au te Tala Lelei, e hēai la he mea ke fāfia tauanoa ai au. Ko au na fakatonugia ke faia te mea tēnei. Kae hāloa la au pe kāfai e hē kō tālakia te Tala Lelei!

1 Kolinito 9:18

He totogi a la to oku e maua? Ko te avanoa ke tālaki ai te Tala Lelei e aunoa ma he totogi, e aunoa ma hoku tagi ki aku aiātatau i taku galue mo te Tala Lelei.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

Kalatia 2:7

Kae na ki lātou iloa ko te tālakiga o te Tala Lelei ki tagata nukukehe, ko he mea na tuku mai e te Atua ki a te au ke fai, e vē foki lava oi tuku atu e ia ki a Petelu, te tālakiga o te Tala Lelei ki tagata Iutaia.

Kolohe 1:25

Ma ko au kua tōfia e te Atua ke fai ma kaukauna ki te Ekalehia, ma ia fōki maia te gāluega tēnei ke fai mo te koutou lelei. Ko te gāluega tēnei, ko te folafolaga kātoatoa o tana fekau,

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

Filemoni 1:14

Kae ko au e hē fofou ke fakamālohia koe ke fehoahoani mai ki a te au; kae e lelei lava te fai e koe i tō loto malie. Ko te mea ia ka hē kō faia lele ai he mea, vaganā e malie koe ki ei.