1 Kolinito 9:16 - Tokelauan New Testament

¹⁶ Auā kāfai e tālaki e au te Tala Lelei, e hēai la he mea ke fāfia tauanoa ai au. Ko au na fakatonugia ke faia te mea tēnei. Kae hāloa la au pe kāfai e hē kō tālakia te Tala Lelei!

1 Kolinito 9:16 ပူးပေါင်းရင်းမြစ်များ

Mataio 25:16

Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima.

Luka 9:62

Kua lea atu ia Iehu ki ei, “Ko te tino e kāmata oi fakamalū e ia te kelekele kae toe tagaki ki tua, e hē aogā ia mo te Mālō o te Atua.”

Gāluega 4:20

Auā e hē kimā mafaia oi hē tautatala e uiga ki nā mea kua kikila ma fakalogo ki māua ki ei.”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Gāluega 9:6

Kae tū ki luga oi fano ki te kakai, ko kinā ka taku atu ai ki a te koe tau mea e tatau ke fai.”

Loma 1:14

Auā e i ei toku tiute ki tagata uma lele, nā tino Eleni ma nā tino fakapaupau, nā tino kua akoakogia ma ki lātou e hēki akoakogia.

Loma 15:17

I te māfutaga ma Keliho Iehu, kua maua ai e au te loto fāfia i taku tautua ki te Atua.

Loma 4:2

Kāfai te va o ia ma te Atua na fakalelei ona ko ana gāluega nae fai, nae tatau la ke i ei he mea ke fāfia ai — kae e hē i mua o te Atua.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

1 Kolinito 9:12

Kāfai e i iētahi tino te aiātatau ke tauhi ai ki lātou e koutou, ka hē hili atu nei la ta mātou aiātatau? E ui i tēia, e hēki ki mātou fakaaogā te aiātatau tēnei. Kae kua onohai ki mātou i nā mea uma, kae ke nahe kavea ma mea e tulave ai te Tala Lelei e uiga ki a Keliho.

1 Kolinito 9:14

Na vēnā foki lava ona fakatonu e te Aliki, ko ki lātou e tālakia te Tala Lelei e tatau ke maua he mea e ola ai mai te Tala Lelei.

2 Kolinito 2:12

E taunuku atu au ki Tolōata ke tālaki te Tala Lelei e uiga ki a Keliho, kua uma te hāunia e te Aliki te avanoa mo tana gāluega i kinā.

Kolohe 4:17

Ma lea ki a Alihipo, “Ke mautinoa e uma te gāluega na tuku atu ki a te koe ke tautua ai ki te gāluega a te Aliki.”