1 Kolinito 9:12 - Tokelauan New Testament

¹² Kāfai e i iētahi tino te aiātatau ke tauhi ai ki lātou e koutou, ka hē hili atu nei la ta mātou aiātatau? E ui i tēia, e hēki ki mātou fakaaogā te aiātatau tēnei. Kae kua onohai ki mātou i nā mea uma, kae ke nahe kavea ma mea e tulave ai te Tala Lelei e uiga ki a Keliho.

1 Kolinito 9:12 ပူးပေါင်းရင်းမြစ်များ

Luka 11:52

“Kae hāloa la koutou nā faiakoga o te Tūlāfono! Kua tāofi e koutou te kī e tatala ai te faitotoka ki te fale e maua ai te poto; ko koutou ka hē mafai ke ulu ki loto, ma e tāofi e koutou nā tino e taumafai ke olo ki loto!”

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

Loma 15:22

Ma ko tēnei te māfuaaga nae hē mafai ai au ke āhiāhi atu ki a te koutou i te lahi o taimi.

1 Kolinito 13:7

Ko te alofa e hē fiu gōfie; ma e hē uma lele tona fakatuatua, tona fakamoemoe, ma tona onohai.

1 Kolinito 6:7

Ko nā tagi a koutou ki te fakamahinoga e mōlia ai e tētahi te tētahi, kua iloa ai lava ko koutou kua matuā faiaina lava. Na hē hili atu nei mo koutou te tuku vē pea ke fai e tagata nā mea hehē ki a te koutou? Na hē hili atu nei te tuku vē ke kaihohoa e lātou autou mea?

1 Kolinito 9:14

Na vēnā foki lava ona fakatonu e te Aliki, ko ki lātou e tālakia te Tala Lelei e tatau ke maua he mea e ola ai mai te Tala Lelei.

1 Kolinito 9:15

Kae e hēki kō fakaaogāgia lele nā aiātatau iēnei, ma ko au foki e hē tuhi atu kae ke maua ai e au. E hili atu ai toku oti, i lo te kave kehea e he tino o te mea e fāfia ai au.

1 Kolinito 9:16

Auā kāfai e tālaki e au te Tala Lelei, e hēai la he mea ke fāfia tauanoa ai au. Ko au na fakatonugia ke faia te mea tēnei. Kae hāloa la au pe kāfai e hē kō tālakia te Tala Lelei!

1 Kolinito 9:18

He totogi a la to oku e maua? Ko te avanoa ke tālaki ai te Tala Lelei e aunoa ma he totogi, e aunoa ma hoku tagi ki aku aiātatau i taku galue mo te Tala Lelei.

1 Kolinito 9:2

Kāfai iētahi tino e manatu ko au e hē he apohitolo, ko te mea hili tēnā e koutou iloa. Ona ko te ōlaga o koutou i te māfutaga ma te Aliki, kua kavea ai koutou ma fakamāoniga ko au ko he apohitolo.

2 Kolinito 11:12

Ko nā mea nae fai e au ka fai pea lava e au, kae ke nahe maua ai e nā tino iēnei e lea koutou ni “apohitolo,” he avanoa ke fai ai ni o lātou fāfifia, ko a lātou gāluega e tutuha lava ma a mātou gāluega e fai.

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

2 Kolinito 2:12

E taunuku atu au ki Tolōata ke tālaki te Tala Lelei e uiga ki a Keliho, kua uma te hāunia e te Aliki te avanoa mo tana gāluega i kinā.

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.