1 Kolinito 8:9 - Tokelauan New Testament

⁹ Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

1 Kolinito 8:9 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

1 Kolinito 10:24

Nahe i ei he tino o koutou e hakili ki hona lava ia lelei, kae hakili ki he lelei mo iētahi tino.

1 Kolinito 10:28

Kae kāfai he tino e lea atu, “Ko te meakai tēnei na ofo atu mo nā tupua,” nahe kē kai la ki ei auā te tino tēnā kua lea atu, ma auā foki lava te lotofuatia —

1 Kolinito 10:29

ko te uiga o taku lea atu, e hē ko tō lotofuatia, kae ko te lotofuatia o tētahi tino. E ono fehili vē he tino, “He ā la te ka fua tauanoa ai te haolotoga ia te au ke fai ai ho he mea, ki te lotofuatia o hētahi tino?

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 8:10

E vēhea kāfai he tino e vāivai tona lotofuatia e ia kitea koe tē e i ei te “mālamalama” e kai i te mālumalu o he tupua; ka hē kavea nei tēnā ma mea ka fakamālohia ai ia ke kai ki nā meakai kua ofo mo nā tupua?

1 Kolinito 8:12

Kāfai koutou e agahala ona kua āfāina he uho o koutou e vāivai te lotofuatia, ko koutou la kua agahala ki a Keliho.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

2 Kolinito 11:21

Ko au e mā oi taku hako atu, ko ki mātou nae palakakai oi fai ni mea vēnā! Kae kāfai i ei he tino e ia mafai oi fāfia e uiga ki ho mea — e mafai foki e au. (Ko aku tala iēnei e vē ni tala a he tino valea.)

2 Kolinito 11:29

Kāfai he tino e vāivai, oi e lagona foki e au te vāivai; kāfai he tino e takitakia ma pakū ki te agahala, ko au e tumu i te fakanoanoa.

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Petelu 2:16

Ko koutou ni tino e ola haoloto, kae nahe fakaaogā te haolotoga kua ia te koutou ke mumuni ai ho he mea kino; kae ola ko koutou ni pologa e a te Atua.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.