1 Kolinito 8:4 - Tokelauan New Testament

⁴ Ko te mea ia, e vē ki te kakai ki nā meakai kua ofo mo nā tupua; e ki tātou iloa ko te tupua e hēai hona ola; e ki tātou iloa e fokotahi oioti lava te Atua.

1 Kolinito 8:4 ပူးပေါင်းရင်းမြစ်များ

Maleko 12:29

Kua tali mai ia Iehu, “Ko te fakatonuga e fakamuamua ma pito hili te tāua, ko tēnei: ‘Ihalaelu e! Fakalogo mai. Ko te Aliki to tātou Atua ko ia oioti lava te Aliki.

Gāluega 14:15

“He ā te fai ai e koutou he mea vēnei? Ko ki māua ni tagata ola e vē foki lava ko koutou! Ko ki māua e i kinei ke folafola atu te Tala Lelei ki a te koutou, kae ke mafai koutou ke olo kehe mai nā mea iēnā e hēai he aogā, kae liliu ki te Atua na faia te lagi, te lalolagi, te tai, ma nā mea uma lele i ei, ma e ola pea lava.

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

Gāluega 19:26

Nei, kua kikila ma fakalogo koutou ki te mea a te tagata tēnei ko Paulo e fai. E lea vēia ko nā atua e fai i lima o tagata e hē ni atua moni, ma kua tokalahi lele nā tino i kinei i Efeho ma te itūmālō kātoa o Ahia kua talitonu ki a te ia.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

1 Kolinito 8:10

E vēhea kāfai he tino e vāivai tona lotofuatia e ia kitea koe tē e i ei te “mālamalama” e kai i te mālumalu o he tupua; ka hē kavea nei tēnā ma mea ka fakamālohia ai ia ke kai ki nā meakai kua ofo mo nā tupua?

1 Kolinito 8:11

Ma ko te tino vāivai tēnei, te uho o koutou na oti mo ia ia Keliho, ka fakaumatia ona ko tō “mālamalama” e tākua!

Kalatia 4:8

I nā aho kua teka, nae hē koutou iloa te Atua, ma nae fai koutou ma pologa a ni atua e hē ni atua moni.

Efeho 4:6

e tahi te Atua ma te Tamana o ki tātou uma, ko ia te Aliki o tagata uma, e galue i loto o tagata uma, ma e i loto o mea uma.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

1 Timoteo 2:5

Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

Iuta 1:25

ke i te Atua e tokatahi to tātou Fakaola, e ala ia Iehu Keliho to tātou Aliki, te vīkiga, te mamalu, te mana ma te pule, mai te kāmataga ke pa mai ki te taimi nei, ma ke pa ki te fakavavau fakavavau lava. Amene.