1 Kolinito 8:12 - Tokelauan New Testament

¹² Kāfai koutou e agahala ona kua āfāina he uho o koutou e vāivai te lotofuatia, ko koutou la kua agahala ki a Keliho.

1 Kolinito 8:12 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 18:21

Oi hau ai ia Petelu ki a Iehu kua fehili vē atu ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino ki a te au? E fakafitu?”

Mataio 18:6

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 25:45

Ka tali vē atu te Tupu ki ei, ‘E takutino atu e au ki a te koutou: ho he taimi lava e hēki fehoahoani ai koutou ki hētahi o ki lātou nei e pito hili te fakaalofa, e hēki fehoahoani mai koutou ki a te au.’

Maleko 9:42

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma togi ai ki te tai.

Luka 17:2

E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

Loma 14:20

Nahe fakahēaogāgia e koutou nā mea na fai e te Atua, ona ko nā meakai. Ko nā meakai uma lele e lelei ke kai, kae e hehē te kai ki he mea kāfai ka kavea tēnā ma mea e pakū ai hētahi tino ki te agahala.

1 Kolinito 12:12

Ko te tino o Keliho e lahi ona vāega, e vē foki lava ko te tino o ho hētahi.