1 Kolinito 7:9 - Tokelauan New Testament

⁹ Kae kāfai e hē lava te koutou loto onohai, e tatau la koutou ke fakaipoipo — e hili atu te fakaipoipo i lo te mu i te nauloto.

1 Kolinito 7:9 ပူးပေါင်းရင်းမြစ်များ

Gāluega 19:36

E hēai he tino e hē ia iloa nā mea iēnei. E tatau ai la koutou ke fakatotoka ma nahe koutou faia he mea e aunoa ma te māfaufau lelei muamua ki ei.

1 Kolinito 7:2

Kae ona ko te lahi o nā fakaohoohoga ke fai ai nā āmioga mātagā, e tatau ai nā tamāloa tau tokatahi ke i ei hana ia lava āvaga, ma fafine tau tokatahi ke i ei hana ia lava tāne.

1 Kolinito 7:28

Kae kāfai koe e fakaipoipo, e hē ko he agahala te mea tēnā; ma kāfai he teine ko hēki fakaipoipo e fakaipoipo, e hē ko he agahala tana mea tēnā e fai. Kae e hili atu toku fofou ke kō puipuia koutou ke nahe maua i nā fakafītāuli ka feagai ma nā tino e fakaipoipo.

1 Kolinito 7:36

I te tūlaga o he toka lua kua uma te fakamau ke fakaipoipo ka kua toe hui o lā māfaufau: kāfai e manatu te tamāloa e hē hako ona uiga e fai ki te teine, ma kāfai kua lahi tona nauloto ki ei ma kua lagona ai e ia ko ki lāua e tatau ke fakaipoipo, tuku ke fai te mea e fofou ki ei: E hē he agahala te mea tēnā.

1 Kolinito 7:39

Ko te fafine kua fakaipoipo e hē haoloto lele pe kāfai koi ola pea lava tana tāne; kae kāfai e oti tana tāne, oi fakataga ai ia ke toe fakaipoipo ki ho he tamāloa e fofou ia ki ei, ma ko te tamāloa e tatau ko he tino Kelihiano.

1 Tehalonia 4:4

Koutou taulelea tau tokatahi uma, e tatau ke iloa oi ola fakatahi ma tana āvaga, i he auala e paia ma mamalu,

1 Timoteo 5:11

Kae nahe tuhia ki te lihi nā igoa o nā fafine talavou kua oti a lātou tāne; auā kāfai nā tuinanauga o ki lātou e fai ma mea ka fia fakaipoipo ai, oi ka liliu kehe ai ki lātou mai ia Keliho,

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.