1 Kolinito 7:34 - Tokelauan New Testament

³⁴ ma e fetoho tona māfaufau ki nā itū e lua. Ko he fafine e hēki fakaipoipo pe he taupou, e fano tona māfaufau ki te gāluega a te Aliki, auā e fofou ke ofo atu ia mo te Atua i te tino vēnā ma te agaga; ka ko he fafine kua fakaipoipo e fano tona māfaufau ki nā mea o te lalolagi, auā e fofou ke fai e ia nā mea e fiafia ai tana tāne.

1 Kolinito 7:34 ပူးပေါင်းရင်းမြစ်များ

Ioane 10:13

E vili kehe te tino faigāluega, auā ko ia kua nā ko he tino faigāluega, ma e hēai hona popole ki nā māmoe.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

1 Kolinito 6:20

na ia fakataua koutou i he tau. Ko te mea ia, fakaaogā outou tino ke maua ai he vīkiga mo te Atua.

1 Kolinito 7:33

Kae ko te tino kua fakaipoipo, e fano tona māfaufau ki nā mea o te lalolagi, auā e taumafai ke fai e ia nā mea e fiafia ai tana āvaga,

1 Kolinito 7:35

Ko au e lea atu vēnei mo te koutou lelei. Ko au e hē taumafai ke tāofiofi koutou i nā mea e fofou koutou ke koutou faia. Kae ko au e fofou ke fai e koutou te mea e hako ma tonu, ma ke ofo atu outou tagata kātoatoa ki te gāluega a te Aliki e aunoa ma he fakafehili.

2 Kolinito 11:28

Ma e hē gata i iētahi mea kua hē tākua, ko au e fītā i aho uma lava i toku popole ki nā Ekalehia uma.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

1 Timoteo 3:5

Auā kāfai he tamāloa e hē ia mafai oi kikila lelei tona kāiga, e vēhea ona mafai e ia oi kikila lelei te Ekalehia a te Atua?

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.