1 Kolinito 7:25 - Tokelauan New Testament

²⁵ E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Kolinito 7:25 ပူးပေါင်းရင်းမြစ်များ

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 4:2

E hē gata la i tēnā, e manakomia nā kaukauna vēnei, ke fakamāoni ki to lātou matai.

1 Kolinito 7:10

Mo nā tino kua fakaipoipo, ko tēnei taku fakatonuga, e hē āku kae a te Aliki: ko te āvaga e hē tatau ke tīaki e ia tana tāne;

1 Kolinito 7:12

Mo iētahi tino, ko au (ko au kae hē ko te Aliki) e lea atu vēnei: kāfai he tamāloa Kelihiano e nonofo ma he fafine e hē he Kelihiano kae kua malie te fafine ke nonofo pea ki lāua, e hē tatau ke ia tatalagia te lā fakaipoipoga.

1 Kolinito 7:28

Kae kāfai koe e fakaipoipo, e hē ko he agahala te mea tēnā; ma kāfai he teine ko hēki fakaipoipo e fakaipoipo, e hē ko he agahala tana mea tēnā e fai. Kae e hili atu toku fofou ke kō puipuia koutou ke nahe maua i nā fakafītāuli ka feagai ma nā tino e fakaipoipo.

1 Kolinito 7:34

ma e fetoho tona māfaufau ki nā itū e lua. Ko he fafine e hēki fakaipoipo pe he taupou, e fano tona māfaufau ki te gāluega a te Aliki, auā e fofou ke ofo atu ia mo te Atua i te tino vēnā ma te agaga; ka ko he fafine kua fakaipoipo e fano tona māfaufau ki nā mea o te lalolagi, auā e fofou ke fai e ia nā mea e fiafia ai tana tāne.

1 Kolinito 7:40

Kae e hili atu tona fiafia kāfai e nofo vē pea i te mea e i ei ai. Ko tēnā toku manatu, ma e manatu au e ia te au te Agaga o te Atua.

1 Kolinito 7:6

E hē ko he fakatonuga tēnei, kae ko he fakatagaga mai ia te au ke fai ai te mea tēnei e koutou pe kāfai ko te mea ia e fofou koutou ki ei.

2 Kolinito 11:17

E ui lava ko taku lea atu vēnei e hē ko te mea ia e fofou te Aliki ke lea atu ai au; kae e tuha ai ma te matākupu tēnei ko te fāfia, ko au e vē moni lava he tino valea i aku tala e fai

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.