1 Kolinito 7:19 - Tokelauan New Testament

¹⁹ Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

1 Kolinito 7:19 ပူးပေါင်းရင်းမြစ်များ

Mataio 5:19

Ko te mea ia, ko ai lava e hē uhitaki, e tuha lava pe ko te fakatonuga ia e pito hili ona taigole tona tāua, ma akoako e ia iētahi tino ke fakatakitaki ake ki a te ia, ka kavea ia ma tino e hili atu te hē tāua i te Mālō o te lagi. Kae ko ai lava e uhitaki ma akoako e ia iētahi tino ke fakatakitaki ake ki a te ia, ka kavea ia ma tino e tāua lahi i te Mālō o te lagi.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Loma 3:30

E fokotahi oioti lava te Atua, ma ka ia fakaleleia te va o tagata Iutaia ma ia, e ala i to lātou fakatuatua. Ka vēnā foki oi ia fakaleleia te va o tagata nukukehe ma ia, e ala i to lātou fakatuatua.

1 Kolinito 8:8

Kae e hē fakaleleia e nā meakai to tātou va ma te Atua; e hēai he āfāina kāfai ki tātou e hē kakai ki nā meakai iēnei, oi e hēai foki he āfāina kāfai ki tātou e kakai ki ei.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Kalatia 6:15

E hē tāua pe pelitome te tino pe hēai; oioti lava te mea e tāua, ko te toe kavea o koe ko he tino fou.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.