1 Kolinito 7:17 - Tokelauan New Testament

¹⁷ Tuku vē ki te tino lava ia, ke ola i te ōlaga nae i ei ai i te taimi na filifilia ma kalagagia ai e te Atua ke kavea mo ia. Ko te mea tēnei e fakatonu lava e au ki nā Ekalehia uma.

1 Kolinito 7:17 ပူးပေါင်းရင်းမြစ်များ

Mataio 19:12

Auā e i ei nā māfuaaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai ki a te ki lātou e iētahi tino, ma ko iētahi e hē āvavaga kae ke mafai ai ki lātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 11:16

Kae kāfai he tino e fakafehiligia e ia te mea tēnei, oi oti lava te mea e lea atu ai au, e hēai ni a tātou tū māhani i nā mea tau tāpuakiga, ma e vēnā foki iētahi Ekalehia a te Atua.

1 Kolinito 11:34

Ma kāfai he tino o koutou e fia kaia, e tatau ke kai i te fale, kae ke nahe lavea ai ia i te fakamahinoga a te Atua ka koi maopoopo koutou. Ko iētahi mea, ka fakatonu atu koutou e au kāfai au e pa atu.

1 Kolinito 14:33

auā e hē fofou te Atua ko ki tātou ke i he tūlaga fakahētonu, kae ke maua i te fealofani ma te fīlēmū. E vē ko te tūlaga e i ei nā Ekalehia uma a tagata o te Atua,

1 Kolinito 16:1

E vē la ki te mea na tuhi mai ai koutou ki he tupe ke hakili ke fehoahoani ki tagata o te Atua i Iutea: e tatau ke koutou faia te mea na fakatonu e au ki nā Ekalehia i Kalatia ke fai.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

1 Kolinito 7:18

Kāfai na kalagagia koe e te Atua ka kua uma ai te pelitome o koe, ia koe nahe taumafai ke kave kehe nā māila o te pelitome; kāfai na kalagagia koe e te Atua ka ko hēki pelitome ai koe, nahe taumafai ke pelitome koe.

1 Kolinito 7:24

Oku uho, pe ko he ā lava te tūlaga nae i ei ai koutou tau tokatahi i te taimi na kalaga atu ai te Atua ki a te koutou, ke tūmau ai pea koutou, i te māfutaga fakatahi ma te Atua.

1 Kolinito 7:7

Ko te meamoni lava, e hili atu toku fofou ko koutou ke vē ko au; kae e tofu lava te tino ma te meaalofa fakapitoa mai te Atua, ko tētahi tino ko tēnei tana meaalofa, ko tētahi ko tēnā tana meaalofa.

2 Kolinito 11:28

Ma e hē gata i iētahi mea kua hē tākua, ko au e fītā i aho uma lava i toku popole ki nā Ekalehia uma.

2 Kolinito 8:18

Kua ki mātou uga atua fakatahi ma Tito, te uho a kaukauna, kua lauiloa i nā Ekalehia uma, i tana gāluega ko te folafolaga o te Tala Lelei.

Kalatia 1:22

I te taimi tēnā, ko hēki iloa au e nā tino o nā Ekalehia i Iutea.

1 Tehalonia 2:14

Te kau uho, e tutuha lava te mea na pa koutou ki ei ma te mea na pa ki ei nā tino kua ia Keliho Iehu i nā Ekalehia a te Atua i Iutea. Na pakia koutou i nā fakahāuāga mai nā tino lava o koutou, e vē foki lava oi pakia ki lātou i nā fakahāuāga a tagata Iutaia,

2 Tehalonia 1:4

Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.