1 Kolinito 7:14 - Tokelauan New Testament

¹⁴ Auā ko te tāne e hē he Kelihiano e talia i mua o te Atua kāfai e fakatahi ki lāua ma tana āvaga, ma ko te āvaga e hē he Kelihiano e talia i mua o te Atua kāfai e fakatahi ki lāua ma tana tāne Kelihiano. Kāfai e hē fai vēneia, ko te lā fānau ka vē ni fānau e a ni tino fakapaupau, kae e talia ki lātou i mua o te Atua.

1 Kolinito 7:14 ပူးပေါင်းရင်းမြစ်များ

Gāluega 10:23

Oi lea ai ia Petelu ki nā taulelea ke mapu ake ki loto o te fale ke mālōlō ai mo te pō tēnā. I te aho alafaki na hāuni ai ia Petelu ma olo ma nā taulelea; na olo fakatahi ai foki ma iētahi tino kua talitonu ki te Aliki, i Iopa.

Loma 11:16

Kāfai te vāega o te paluga falaoa muamua e ofo atu mo te Atua, ko tona uiga ko te falaoa kātoa e a ia foki; ma kāfai nā aka o he lākau e ofo atu mo te Atua, ko nā lālā uma e a ia foki.

1 Kolinito 7:13

Ma kāfai he fafine Kelihiano e fakaipoipo ki he tamāloa e hē he Kelihiano ma kua malie te tamāloa ke nonofo pea ki lāua, e hē tatau ke ia tatalagia te lā fakaipoipoga.

1 Timoteo 4:5

auā ko te kupu a te Atua ma te tatalo, e talia ai nā mea iēnei e te Atua.

Tito 1:15

E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.