1 Kolinito 7:10 - Tokelauan New Testament

¹⁰ Mo nā tino kua fakaipoipo, ko tēnei taku fakatonuga, e hē āku kae a te Aliki: ko te āvaga e hē tatau ke tīaki e ia tana tāne;

1 Kolinito 7:10 ပူးပေါင်းရင်းမြစ်များ

Mataio 5:32

Kae ko au e lea atu nei ki a te koutou: ho he tamāloa e tatala e ia tana āvaga i he māfuaaga e kehe mai i lo te kua hē fakamāoni o te fafine, kua fai e ia te mea e mulilua ai tana āvaga; ma ko ai lava e fakaipoipo ki he fafine kua tatala tana āvaga, kua agahala foki ia i te mulilua.

Maleko 10:2

Oi ōmamai ai te kau Falehaio, kua taumafai ke tofotofo ia Iehu i he fehili. Kua fehili vē atu ki lātou ki a te ia, “Taku mai ake, e fakataga nei i te tātou Tūlāfono he tamāloa ke tatala e ia tana āvaga?”

Luka 16:18

“Ho he tamāloa e tatala e ia tana āvaga kae fakaipoipo ki hētahi fafine, kua agahala ia i te mulilua; ma ko te tamāloa e fakaipoipo ki he fafine kua tatala tana āvaga, kua agahala ia i te mulilua.

1 Kolinito 7:11

kae kāfai e fai e ia te mea tēnei, e tatau ke nofo ai loa vēia tautahi auā ka hēai, kua tatau loa la ke toe fakalelei ma tana tāne; ma ko te tāne e hē tatau ke tatala e ia tana fakaipoipoga.

1 Kolinito 7:12

Mo iētahi tino, ko au (ko au kae hē ko te Aliki) e lea atu vēnei: kāfai he tamāloa Kelihiano e nonofo ma he fafine e hē he Kelihiano kae kua malie te fafine ke nonofo pea ki lāua, e hē tatau ke ia tatalagia te lā fakaipoipoga.

1 Kolinito 7:15

Kae kāfai te tino e hē he Kelihiano e fofou ke tīaki tona hoa Kelihiano, tuku vē ke fai. I nā mea vēnei, kua haoloto te hoa Kelihiano, pe ko te tāne pe ko te āvaga, ke fai te mea e fofou ia ki ei. Auā kua kalaga atu te Atua ko koutou ke ola i te fīlēmū.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Kolinito 7:40

Kae e hili atu tona fiafia kāfai e nofo vē pea i te mea e i ei ai. Ko tēnā toku manatu, ma e manatu au e ia te au te Agaga o te Atua.

1 Kolinito 7:6

E hē ko he fakatonuga tēnei, kae ko he fakatagaga mai ia te au ke fai ai te mea tēnei e koutou pe kāfai ko te mea ia e fofou koutou ki ei.