1 Kolinito 6:20 - Tokelauan New Testament

²⁰ na ia fakataua koutou i he tau. Ko te mea ia, fakaaogā outou tino ke maua ai he vīkiga mo te Atua.

1 Kolinito 6:20 ပူးပေါင်းရင်းမြစ်များ

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

1 Kolinito 10:31

Ko te mea ia, pe he ā lava ta koe e fai, pe ko koe e kai pe inu, fai uma nā mea iēnei mo he vīkiga o te Atua.

1 Kolinito 7:23

Ko koutou na fakatau e te Atua i he tau; nahe kavea la koutou ma pologa a tagata.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

1 Petelu 1:18

Auā e iloa e koutou te mea na totogi ai te haolotoga o koutou mai nā uiga e hēai he aogā, na iloa e koutou mai outou tupuna. E hē ko he mea e fano e pala e vē ko te hiliva pe ko te aulo;

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

2 Petelu 2:1

Nae i ei foki nā pelofeta pepelo fakatahi ma tagata o te Atua i nā aho kua teka, ma ka vēnā foki ona i ei nā faiakoga pepelo fakatahi ma koutou. Ka ki lātou kaumaia ni fakamatalaga tau fakakino ma te pepelo, ma hē ki lātou taliagia te Matai na ia totōgia to lātou haolotoga, ma ka fakaumatia vave ai lava ki lātou.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.