1 Kolinito 6:2 - Tokelauan New Testament

² E hē koutou iloa ko tagata o te Atua te ki lātou fakamahinoagia te lalolagi? Kāfai la ka fakamahino e koutou te lalolagi, e hē mafai nei la e koutou oi fakamahino nā tamā mea?

1 Kolinito 6:2 ပူးပေါင်းရင်းမြစ်များ

Mataio 19:28

Kua vāgana atu ia Iehu ki a te ki lātou, “E takutino atu e au ki a te koutou, i te ōlaga fou koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai ki a te au, ka nonofo foki i nā nofoāliki e hefululua, ke pūlea nā puikāiga e hefululua o Ihalaelu!

Luka 22:30

kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Loma 6:16

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

1 Kolinito 1:20

Ko te mea ia, he ā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 6:4

Kāfai nā mea vēnei e tutupu, ka kave nei lava e koutou ke fai ki ei he fakaikuga a nā tino e hē i loto o te Ekalehia?

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

1 Tehalonia 3:13

I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.