1 Kolinito 6:19 - Tokelauan New Testament

¹⁹ E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

1 Kolinito 6:19 ပူးပေါင်းရင်းမြစ်များ

Ioane 2:21

Kae ko te mālumalu e tautala fakatatau ki ei ia Iehu, ko tona tino.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

1 Kolinito 6:3

E hē koutou iloa ko nā agelu e fakamahino e ki tātou? Ma kāfai la e vēnā, ko tona uiga e mafai e ki tātou oi fakamahino ho he mea i tēnei ōlaga.

2 Kolinito 5:15

Ma ko Keliho na oti mo tagata uma, kae ke nahe toe ola ai nā tino e ola mo ki lātou lava, kae ola oioti mo tē na oti ma toe fakatū mai ki te ola, mo ki lātou.

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.