1 Kolinito 6:13 - Tokelauan New Testament

¹³ E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

1 Kolinito 6:13 ပူးပေါင်းရင်းမြစ်များ

Mataio 15:17

Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe hau ai ki fafo o tona tino.

Mataio 15:20

Ko nā mea iēnā e hē mamā ai he tino. Ka ko te kai kae hē fufulua nā lima e vēia oi fakatonu ai koutou e ki lātou ke fai — e hē ko he mea tēnā e hē mamā ai he tino.”

Maleko 7:19

auā e hē fano ki tona loto kae fano ki loto o tona manava oi fano ai ki fafo o te tino.” (I tana tautalaga tēnei, na fakailoa ai e Iehu ko nā meakai uma lele e lelei ke kakai ki ei.)

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 6:49

Na kakai nā tupuna o koutou ki te mānai i te vao, kae na oti.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 6:15

E hē koutou iloa ko outou tino ni itūtino e o te tino o Keliho? Ka kave nei la e au he itūtino o te tino o Keliho oi fai ma itūtino o te tino o he fafine talitāne? E matuā hē mafai lava.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

2 Kolinito 5:15

Ma ko Keliho na oti mo tagata uma, kae ke nahe toe ola ai nā tino e ola mo ki lātou lava, kae ola oioti mo tē na oti ma toe fakatū mai ki te ola, mo ki lātou.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 5:23

Auā ko te tāne e ia te ia te pule ki tana āvaga, e vē foki lava ona ia Keliho te pule ki te Ekalehia, tona tino, ma ko ia foki lava ko te Fakaola.