1 Kolinito 5:8 - Tokelauan New Testament

⁸ Ke ki tātou fakamanatua la te Pāheka, i te falaoa e hēai he fefete, te falaoa o te fakamāoni ma te meamoni, kae hē ko te falaoa e i ei te fefete tuai o te agahala ma te āmio kino.

1 Kolinito 5:8 ပူးပေါင်းရင်းမြစ်များ

Mataio 16:12

Oi na fātoā mālamalama ai te kau hoko e hē ko te fefete e fakafefete ai te falaoa tēia e lea ake ai ia Iehu ke fakaeteete ai, ka ko nā akoakoga a te kau Falehaio ma te kau Hatukaio.

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Maleko 8:15

Kua apoapoaki atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio, ma te mea fakafefete a Helota.”

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Ioane 1:47

I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

1 Kolinito 5:1

Kua tākua mai e i ei nā tino o koutou e faia nā āmioga mātagā, ni āmio e pa ki tagata nukukehe e hē ki lātou faia. Ko te fakamatalaga kua maua e au, e i ei he tamāloa kua nonofo ma tona mātua fai, te āvaga a tona tamana.

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 8:8

Ko koutou e hē kō fakatonua. Kae e fia kō iloa pe moni te koutou alofa, kāfai e fakatuhatuha ki te naunau lahi o iētahi tino ke fehoahoani.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.