1 Kolinito 5:7 - Tokelauan New Testament

⁷ E tatau ke koutou kave kehea te mea fakafefete tuai o te agahala, kae ke mamā kātoatoa ai koutou. Oi ka vē ai koutou he paluga fou e hēai he fefete i ei, e vē ona mautinoa e au ko koutou e vēnā. Auā ko Keliho, te tātou punuamāmoe o te Kaiga o te Pāheka, kua uma te ofo atu ma tāulaga.

1 Kolinito 5:7 ပူးပေါင်းရင်းမြစ်များ

Mataio 13:33

Kua toe fai foki tētahi talafakatuha e Iehu ki a te ki lātou: “Ko te Mālō o te lagi e fakatuha vēnei. Na kave e he fafine ni fefete oi palu ki ni fuagā falaoa e tolu ke pa lava ki te taimi kua fefete uma ai te paluga kātoa.”

Maleko 14:12

I te aho muamua o te Kaiga Fakamanatu o te Falaoa Hē Fakafefetea, ko te aho ia e tāmate ai nā punuamāmoe mo te Pāheka, na fehili vē atu te kau hoko ki a Iehu, “Ko fea te fofou koe ke hāuni ai e ki mātou te kaiga o te Pāheka mo koe?”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 1:36

ma i te ia kitea atuga o Iehu e havali ake, oi lea ai vē, “Kikila, tēia te Punuamāmoe a te Atua!”

Ioane 19:14

I te taimi tēnā, kua fakalata lele ki te vaeluaga o te aho e hohoko ki ei te Pāheka. Oi lea atu ai ia Pilato ki nā tino Iutaia, “Ko te tupu tēnei o koutou!”

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

1 Kolinito 10:17

Ona e fokotahi te falaoa, ko ki tātou uma, e ui e tokalahi, kae e tahi i te tino, auā ko ki tātou uma e kakai ki te falaoa e fokotahi.

1 Kolinito 5:13

E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Fakaaliga 5:12

ma e pepehe leo lahi: “Ko te Punuamāmoe na tāmate kua ia te ia te pule ke tuku atu ki ei te mana, te tamaokāiga, te poto ma te mālohi te fakaaloalo, te vīkiga ma te fakafetai.”