1 Kolinito 5:13 - Tokelauan New Testament

¹³ E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

1 Kolinito 5:13 ပူးပေါင်းရင်းမြစ်များ

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

1 Kolinito 5:1

Kua tākua mai e i ei nā tino o koutou e faia nā āmioga mātagā, ni āmio e pa ki tagata nukukehe e hē ki lātou faia. Ko te fakamatalaga kua maua e au, e i ei he tamāloa kua nonofo ma tona mātua fai, te āvaga a tona tamana.

1 Kolinito 5:2

E vēhea ake la ona fāfifia koutou! E hē tatau nei koutou ke māhiahi? Ko te tino kua ia faia te tēnei mea, e tatau ke tuli kehe ma te koutou maopoopoga.

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

1 Kolinito 5:7

E tatau ke koutou kave kehea te mea fakafefete tuai o te agahala, kae ke mamā kātoatoa ai koutou. Oi ka vē ai koutou he paluga fou e hēai he fefete i ei, e vē ona mautinoa e au ko koutou e vēnā. Auā ko Keliho, te tātou punuamāmoe o te Kaiga o te Pāheka, kua uma te ofo atu ma tāulaga.

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,